ஊராட்சி தகவல்கள் சுற்றுவட்டார செய்திகள் நமது கிராம் நமது அடையாளம் ஜமாத் அறிவிப்பு

பெரியபட்டினம் மக்களுக்கு தமிழக சுகாதாரத்துறை மூலமாக கொடுக்கப்பட்ட பிட் நோட்டீஸ்

Byadmin

Jul 14, 2020

கொரோனா வைரஸ் (Covid–19)

கொரோனா வைரஸ் என்பது மனிதர்களுக்கு காய்ச்சல், இருமல், மூச்சுத் திணறல் ஆகியவற்றை ஏற்படுத்த கூடிய ஒருவகை வைரஸ் கிருமியாகும் .

சீனாவின் வூகான் நகரத்தில் கொரோனா வைரஸ் நோய் தொற்று ஏற்பட்டு பல நாடுகளுக்கு பரவி உள்ளது. இது விலங்குகளிலிருந்து மனிதர்களுக்கு பரவி இருக்கலாம் என சந்தேகிக்கப்படுகிறது.

நோயின் அறிகுறிகள் ;

💉காய்ச்சல், இருமல்

💉உடல் சோர்வு

💉ஒரு சிலருக்கு மூச்சுத் திணறல் ஏற்படும் .

கொரோனா வைரஸ் நோய் பரவும் விதம் :

*நோய் அறிகுறிகள் கண்ட நபர் இருமும் போதும், தும்மும் போதும் ,வெளிப்படும் நீர்த் திவலைகள் மூலம் அருகில் உள்ளவர்களுக்கு நேரடியாக பரவுகிறது (<20%).

*மேலும் இருமல் மற்றும் தும்மல் மூலம் வெளிப்படும் கிருமிகளை உடைய நீர்த் திவலைகள் படிந்துள்ள பொருட்களை தொடும் பொழுது கைகளில் கிருமிகள் ஒட்டிக் கொள்கின்றன.

*அவ்வாறு கிருமிகள் ஒட்டி உள்ள கைகளை கழுவாமல் கண்கள், மூக்கு ,வாய் மற்றும் முகத்தை தொடும் போது இந்நோய் தொற்று ஏற்படுகிறது (>80%).

நோய் தடுப்பு நடவடிக்கைகள் :

*அடிக்கடி கைகளை சோப்புப் போட்டு நன்கு தேய்த்துக் கழுவ வேண்டும் ஒவ்வொரு முறையும் கை கழுவ குறைந்தபட்சம் 30 நொடிகள் எடுத்துக்கொள்ள வேண்டும் .

*இருமும் போதும் தும்மும் போதும் முகத்தை கைகுட்டை கொண்டு மூடிக் கொள்ள வேண்டும்.

*சிகிச்சை தரும் அனைத்து மருத்துவமனைகளிலும் கிருமி நாசினி கொண்டு சுத்தமாக துடைத்து பராமரித்தல் வேண்டும் .

*3 வயதிற்குட்பட்ட குழந்தைகள் மற்றும் 70 வயதுக்கு மேற்பட்டவர்கள் பொது இடங்கள் மற்றும் கூட்ட நெரிசலில் உள்ள இடங்களுக்கு செல்வதை தவிர்க்க வேண்டும்.

சிகிச்சைகள் :

*காய்ச்சல் இருமல் போன்ற அறிகுறிகள் தென்பட்டால் உடனே மருத்துவ ஆலோசனை பெற வேண்டும்.

*ஓ. ஆர் .எஸ், கஞ்சி போன்ற நீர்ச்சத்து மிகுந்த ஆகாரங்களை பருக வேண்டும்.

பொதுமக்கள் கவனத்திற்கு :

*பொதுமக்கள் தேவையற்ற பயணங்களை தவிர்க்கவும்.

*இருமல், ஜலதோஷம் உள்ளவர்கள் பொதுமக்கள் கூடும் இடங்களுக்கு செல்வவதையும், விழாக்களில் பங்கு பெறுவதையும் தவிர்க்க வேண்டும் .

*சமீபத்தில் வெளிநாட்டு பயணம் சென்று வந்தவர்கள் காய்ச்சல் ,இருமல் ,மூச்சுத்திணறல் ஏற்பட்டால் அருகில் உள்ள அரசு மருத்துவமனைக்கு சென்று ஆலோசனை பெற வேண்டும் .

*முப்பது வயதிற்கு மேற்பட்டவர்கள் தங்கள் இரத்த அழுத்தம் மற்றும் சர்க்கரை அளவை பரிசோதனை செய்து கொள்ள வேண்டும்.